Commons:Benvenite

Que es Wikimedia Commons? Wikimedia Commons es un deposito de files multimedia que rende disponibile a omnes le contento multimedia a dominio public o liberemente licentiate (imagines, sono e video). Illo functiona como un deposito commun pro le varie projectos del Fundation Wikimedia, ma non es necessari pertiner a un de iste projectos pro usar le multimedia hospitate in iste sito. Le deposito es create e mantenite non per artistas pagate ma per voluntarios. Le scopo de Commons es exponite in Commons:Project scope. Wikimedia Common usa le mesme technologia wiki que Wikipedia e tote le mundo pote modificar lo. In contrasto con le files multimedia cargate verso altere projectos, le files cargate in Wikimedia Commons pote esser incorporate in le paginas de tote le projectos de Wikimedia sin necessitate de cargar los verso illos separatemente. Lanceate le 7 de septembre 2004, Wikimedia habeva un million de files multimedia le 30 de novembre 2006 e contine al momento 33,836,227 files e 123,862 collectiones de multimedia. Ulterior informationes de fundo super le projecto Wikimedia Commons mesme se trova in le declaration general de non-responsabilitate, al pagina de Wikipedia super Wikimedia Commons e a su pagina in Meta-wiki. Alteremente que le depositos traditional de multimedia, Wikimedia Commons es libere. Tote le mundo ha le permission de copiar, usar e modificar liberemente omne file del sito, a condition que le origine e le autores sia recognoscite e a condition que le usatores publica lor copias/meliorationes a alteres sub le mesme conditiones de libertate. Le base de datos mesme de Wikimedia Commons e le textos in illo es licentiate sub le Licentia GNU pro Documentation Libere. Le conditiones de licentia de cata file multimedia individual se trova in lor paginas de description. Plus informationes quanto al re-uso se trova a Commons:Reusing content outside Wikimedia e Commons:First steps/Reuse. Participar Tu pote meliorar Wikimedia Commons le plus si tu contribue lo que tu pote facer le melio: Contribuer tu obra Si tu es un bon photographo, non hesita a contribuer tu imagines valorose. Si tu es un bon designator graphic, reguarda qual diagrammas e animationes es multo in demanda. Si tu es un bon musico o artista de film/theatro, non hesita a publicar ci tu proprie registrationes de tu interpretationes de pièces libere. Contribuer tu habilitate Nonobstante, non es necesari cargar tu proprie files. Existe multe altere labor importantissime a facer: Traducer le textos de adjuta in un lingua altere que anglese. Meliorar le imagines. Identificar objectos non cosnoscite. Contribue tu cognoscentia legal super questiones de copyright e requestas de deletion. Contribuer tu tempore Non es mesmo necessari esser un artista o un bon scriptor de textos de adjuta. Si te place crear ordine ex chaos, alora nos pote usar tu mano auxiliar! Omne vice que tu vide un file con informationes incomplete de licentia o de origine, adde le etiquetta {{subst:nsd}} a illo. Repara un file orphane (da un categoria o galeria a un imagine). Da un categoria a paginas non categorisate. Multe ressources multimedia libere attende inclusion in iste projecto. Nomina o vota pro Imagines Eminente (registration requirite). Registrar A fin de poter cargar files in Wikimedia Commons, tu debe aperir un session. Tu pote registrar te a ligamine "Aperir session / crear conto" in supra al derecta del pagina e entrar un nomine de usator que essera usate pro tote tu cargamentos/modificationes in imagines e textos. Nonobstante, si tu solmente vole modificar paginas, non es necessari aperir un session (ben que es incoragiate). Si tu ha unificate tu conto de un altere wiki, alora tu jam possede un conto in Commons. Introduction: le prime passos Nostre file de adjuta pro le prime passos e nostre FAQ te adjutara multo post registration. Illos explica como personalisar le interfacie (per exemplo le lingua), como cargar files e le base de nostre politica de licentiamento. Tu non ha besonio de habilitates technic pro poter contribuer ci. Sia audace quando tu contribue e assume le beneficentia del intentiones de alteres. Isto es un wiki - es multo facile. Ulterior informationes es disponibile in le Portal del communitate. Tu pote poner questiones in le Village Pump (taverna) o in le canal IRC #wikimedia-commons. Le files in Wikimedia Commons es organisate in categorias e galerias. Un summario del categorias que nos usa se trova in le pagina principal. Servicios e software additional Si tu vole cargar un grande numero de imagines, le programma Commonist es utile. Si tu require informationes specific super instrumentos pro visualisar o modificar tu contento, vide le pagina super le software. Nos spera que tu gaudera de tu presentia ci e que tu te divertera.